గతం

గడిచిన కాలం లో 

నడిచిన మార్గం లో 

ఒంటరైన మైలురాళ్ళు 

రాయి కి రాయి కి మధ్య ముళ్ళ తివాచి

దాటిన తివాచి వెనుక పూల వనం

ప్రతి ముళ్ళు నేర్పెను నా కో పోరాటం

ప్రతి పువ్వు నింపెను నా లో ఆనందం 

పోరాటం నడిపెను నా పాదం

ఆనందం తెలిపెను నా గమ్యం

పాదం కదిలేను గమ్యం వెతుకగా 

గతం మిగిలెను పాఠం నేర్పగా 

నా లో నేను - ప్రధమ వర్ణం

నా ఆలోచనలో నేను 

        తీరం లేని సంద్రం లో అలనైయ్యాను 

నా ఆవేదన లో నేను 

        రాగం లేని గానం లో గీతమయ్యాను

నా ఆవేశం లో నేను 

        అర్థం లేని భావం లో భాషనయ్యాను

నా అయోమయం లో నేను 

        జవాబు తెలియని ప్రశ్నల చివర ప్రశ్నార్ధకమయ్యాను