గతం

గడిచిన కాలం లో 

నడిచిన మార్గం లో 

ఒంటరైన మైలురాళ్ళు 

రాయి కి రాయి కి మధ్య ముళ్ళ తివాచి

దాటిన తివాచి వెనుక పూల వనం

ప్రతి ముళ్ళు నేర్పెను నా కో పోరాటం

ప్రతి పువ్వు నింపెను నా లో ఆనందం 

పోరాటం నడిపెను నా పాదం

ఆనందం తెలిపెను నా గమ్యం

పాదం కదిలేను గమ్యం వెతుకగా 

గతం మిగిలెను పాఠం నేర్పగా 

నా లో నేను - ప్రధమ వర్ణం

నా ఆలోచనలో నేను 

        తీరం లేని సంద్రం లో అలనైయ్యాను 

నా ఆవేదన లో నేను 

        రాగం లేని గానం లో గీతమయ్యాను

నా ఆవేశం లో నేను 

        అర్థం లేని భావం లో భాషనయ్యాను

నా అయోమయం లో నేను 

        జవాబు తెలియని ప్రశ్నల చివర ప్రశ్నార్ధకమయ్యాను

ఓ మ్రుత్యువా....

ఓ మ్రుత్యువా...........భయమేస్తోంది
అనుకోకుండా దగ్గరికి వచ్చి
అనుబంధాలను దూరం చేసి
అయినవారిని ఒంటరి చేసి
విషపు కోరల పడగ నీడతో కబళిస్తోంటే....భయమేస్తోంది

ఓ మ్రుత్యువా...........జాలేస్తోంది
ఆకలి భాదల వలయం వేసి
నిశ్రుహ నీడల ముసుగును కప్పి 
అందకారపు గది లో తోసి 
విధి పాశం అవిచక్షణ తో ఝాళిపిస్తోంటే....జాలేస్తోంది

ఓ మ్రుత్యువా...........నవ్వస్తోంది
అవివేకపు ఆవేశం నింపి 
అసమర్ధపు వీరత్వం నేర్పి
ఆత్మత్యాగం అర్థం మార్చి
అల్పుల ఆయువు ఫేకిళిస్తోంటే...నవ్వస్తోంది

తొలి కిరణం

కటిక చీకటి కమ్ముకోగా
గువ్వ గొంతులు మూగబోగా
కంటి రెప్పలు వాలిపోగ
కలల ద్వారం తెరుచుకోదా !

కన్న కలలే కోరికలుగా
కొత్త ఊపిరి నింపుకోగా  
రేయి పొరలే చీలిపోగా
సుర్యతేజం వెలుగునీయదా !